Գլխավոր

«Էյ Թի Փի» բարեգործական հիմնադրամի և ՀԱՀ Յակոբեան բնապահպանական կենտրոնի համատեղ կազմակերպած առաջին «Գագաթնաժողով հանուն անտառների. գլոբալ ջանքերը և Հայաստանը» միջոցառումը տեղի ունեցավ 2019թ. հոկտեմբերի 20-23-ը Հայաստանում:

Անտառները կարևոր դեր ունեն կլիմայի փոփոխության դեմ պայքարում, ինչպես նաև կենսաբազմազանության պահպանության և ջրի ապահովման հարցերում: Հայաստանն ընդունել է անտառների պահպանության և վերականգնման վերաբերյալ օրակարգ, և նպատակ ունի մինչև 2050 թվականը կրկնապատկել երկրի անտառային ծածկույթը:

Գագաթնաժողովի նպատակն է նպաստել Հայաստանի անտառների վերաբերյալ քաղաքական որոշումների բաց ու ակտիվ քննարկումներին՝ Հայաստանում և արտերկրում անտառների պահպանության և վերականգնման ոլորտները բարելավելու համար:

Գագաթնաժողովի մասնակիցները հնարավորություն ունեցան մասնակցելու ոլորտի վերաբերյալ լիագումար նիստերի, քննարկումների, զուգընթաց նիստերի, ինչպես նաև այցելելու Հայաստանի անտառներ: Գագաթնաժողովի շրջանակներում մասնակիցները նաև այցելեցին տեսարժան վայրեր և մասնակցեցին հանդիպումների:

Լուսանկար՝ Դիլիջան ազգային պարկ © Հակոբ Հովհաննիսյան